کانگو کے دو سکولوں میں آتشزدگی سے 29 طلبا جاں بحق، 300 گھر خاکستر

افریقی ملک جمہوریہ کانگو کے مشرقی شہر ‘بوکاوو’ (Bukavu) میں خوفناک آتشزدگی کے نتیجے میں 29 طالب علم جھلس کر جاں بحق ہو گئے، جبکہ دو اسکولوں سمیت 300 سے زائد مکانات جل کر خاکستر ہو گئے۔ مقامی حکام کے مطابق آگ پہلے ایک رہائشی مکان میں لگی جس نے ہوا کی تیز رفتار اور تنگ آبادی کے باعث دیکھتے ہی دیکھتے پورے علاقے کو لپیٹ میں لے لیا۔ اس بھیانک حادثے میں قریبی واقع دو اسکول اور درجنوں گھر تباہ ہو گئے، جس سے علاقے میں بڑے پیمانے پر مالی و جانی نقصان ہوا۔

حادثے میں جاں بحق ہونے والے 29 طلباء میں 19 لڑکیاں اور 10 لڑکے شامل ہیں، جن کی المناک موت سے پورے شہر میں غم و سوگ کی لہر دوڑ گئی۔ حکام کی دیکھ بھال میں جاں بحق بچوں کی اجتماعی تدفین کر دی گئی ہے، جس کے دوران رقت آمیز مناظر دیکھنے کو ملے۔ مقامی انتظامیہ اور پولیس کی جانب سے آتشزدگی کی حتمی وجوہات معلوم کرنے کے لیے باقاعدہ تحقیقات کا آغاز کر دیا گیا ہے۔