فیلڈ مارشل سید عاصم منیر دو روزہ سرکاری دورے پر ترکیہ پہنچ گئے

فیلڈ مارشل سید عاصم منیر، نشانِ امتیاز (ملٹری) دو روزہ سرکاری دورے پر ترکیہ پہنچ گئے ہیں، جہاں ہوائی اڈے پر ترکیہ کے اعلیٰ حکام نے ان کا پرتپاک اور گرمجوشی سے خیرمقدم کیا۔ سکیورٹی ذرائع کے مطابق،فیلڈ مارشل اپنے اس اہم دورے کے دوران ترکیہ کی عسکری اور سیاسی قیادت سے الگ الگ ملاقاتیں کریں گے۔ ان اعلیٰ سطح کی ملاقاتوں میں پاک ترکیہ باہمی دفاعی تعاون کو مزید فروغ دینے، خطے کی مجموعی سکیورٹی صورتحال اور مشترکہ دلچسپی کے دیگر اہم امور پر تفصیلی تبادلہ خیال کیا جائے گا۔ دونوں برادر ممالک کے درمیان یہ دورہ دفاعی اور تزویراتی تعلقات کو نئی بلندیوں پر لے جانے کے لیے انتہائی اہم تصور کیا جا رہا ہے۔