خیبر پختونخوا کے بیشتر اضلاع میں سی این جی سٹیشنز بند، شہریوں کو مشکلات

پشاور سمیت خیبر پختونخوا کے بیشتر اضلاع میں سی این جی اسٹیشنز کی بندش سے شہریوں کو شدید مشکلات کا سامنا ہے۔ دنیا نیوز کے مطابق پشاور، مردان، ایبٹ آباد اور کرک میں سی این جی کی فراہمی معطل ہے جس کے باعث ٹرانسپورٹ اور روزگار سے وابستہ افراد شدید پریشانی میں مبتلا ہیں۔

شہریوں کا کہنا ہے کہ روزانہ 16، 16 گھنٹے کی گیس بندش کے باعث نہ گھریلو صارفین کو گیس دستیاب ہے اور نہ ہی سی این جی اسٹیشنز پر ایندھن میسر ہے۔ اس صورتحال نے معمولاتِ زندگی کو بری طرح متاثر کر دیا ہے۔

متاثرہ شہریوں کا مزید کہنا ہے کہ پورا دن سی این جی اسٹیشنز کے چکر لگاتے گزر جاتا ہے، ایسے میں مزدوری اور دیگر کاموں کیلئے وقت ہی نہیں ملتا۔ شہریوں نے حکومت سے فوری نوٹس لینے اور گیس کی بلا تعطل فراہمی کا مطالبہ کیا ہے۔