بھارتی آبی جارحیت پر ٹاسک فورس قائم کریں گے: مراد علی شاہ

وزیراعلیٰ سندھ سید مراد علی شاہ نے میڈیا سے گفتگو کرتے ہوئے کہا ہے کہ جلال پور کینال کا معاملہ مشترکہ مفادات کونسل (CCI) میں اٹھا دیا گیا ہے کیونکہ صوبوں کو ان کے حصے کا پانی پورا نہیں مل رہا۔ انہوں نے بتایا کہ ملک میں 3 صوبے پانی کی شدید کمی کا شکار ہیں جبکہ صرف پنجاب سرپلس میں ہے، اس کے علاوہ بھارت کی آبی جارحیت کا مقابلہ کرنے کے لیے ماہرین پر مشتمل ٹاسک فورس تشکیل دی جا رہی ہے جو سندھ طاس معاہدے کی خلاف ورزی سے ہونے والے نقصان کی جامع رپورٹ تیار کرے گی۔ گندم کی صورتحال پر بات کرتے ہوئے انہوں نے کہا کہ ملک میں ریکارڈ پیداوار کے باوجود ذخیرہ اندوزوں کی وجہ سے مصنوعی قلت پیدا کی گئی، اسی لیے وفاق کو مقامی فصل کی موجودگی میں امپورٹ سے روک دیا گیا ہے۔ پٹرولیم مصنوعات پر سبسڈی کا فیصلہ وفاق سے مشاورت سے کیا جائے گا۔