وزیراعلیٰ گلگت بلتستان کی چینی سفیر سے ملاقات: تجارت، سیاحت اور سرمایہ کاری بڑھانے پر اتفاق

وزیراعلیٰ گلگت بلتستان امجد حسین نے اسلام آباد میں چین کے سفیر جیانگ زائی ڈونگ سے اہم ملاقات کی، جس میں جی بی اور چین کے سنکیانگ ریجن کے درمیان تجارت، سیاحت اور سرمایہ کاری کے فروغ پر تفصیلی تبادلہ خیال کیا گیا۔ ملاقات میں سکردو اور کاشغر کے درمیان براہ راست پروازوں کے آغاز اور ہنزہ میں چینی سیاحوں کے لیے آن ارائیول ویزا سہولت کی تجویز پر بھی بات چیت ہوئی۔ وزیراعلیٰ امجد حسین نے چینی سرمایہ کاروں کو ہر ممکن سہولت فراہم کرنے کے ساتھ شاہراہِ قراقرم پر بلا تعطل آمدورفت اور مکمل سکیورٹی کی یقین دہانی کرائی۔ چینی سفیر نے گلگت بلتستان میں معدنیات، توانائی اور سیاحت کے شعبوں میں تعاون کی وسیع گنجائش کو اجاگر کرتے ہوئے مستقبل میں سرمایہ کاری کے فروغ کے لیے مکمل تعاون کا عزم ظاہر کیا۔