پنجاب حکومت کلینک آن وہیل منصوبہ 7 ماہ بھی نہ چلاسکی، نجی شعبے کو دینے کا فیصلہ

لاہور: سابق وزیر اعظم مریم نواز نے 18 جون 2025 کو بڑے دعوے کے ساتھ کلینک آن وہیلز منصوبے کا افتتاح کیا تھا اور اعلان کیا تھا کہ عوام کا پیسہ عوام کی صحت پر ہی خرچ ہوگا۔ تاہم صرف سات ماہ کے اندر یہ منصوبہ چلانے میں حکومت ناکام رہی اور اب پنجاب حکومت نے اسے نجی شعبے کے حوالے کرنے کا فیصلہ کر لیا ہے۔

محکمہ صحت پنجاب کے ذرائع کے مطابق منصوبے کے انتظامی امور، فیلڈ موبائل ہیلتھ یونٹس اور دیہی ایمبولنس سروسز کو آؤٹ سورس کرنے کا عمل شروع کر دیا گیا ہے۔ اس ضمن میں نجی اداروں سے درخواستیں 26 جنوری تک طلب کی گئی ہیں۔

نجی شعبے کو 590 دیہی ایمبولنسز، 791 کلینک آن وہیلز اور 111 فیلڈ موبائل ہیلتھ یونٹس کے انتظامی اور عملی امور سپرد کیے جائیں گے۔ وزیر صحت پنجاب خواجہ عمران نذیر کا کہنا ہے کہ نجی شعبے کی شمولیت سے منصوبے کی کارکردگی بہتر ہوگی۔

وزیراعلیٰ پنجاب مریم نواز کے دعوے کیے تھے کہ ہر شہری کو دہلیز پر علاج کی سہولت دی جائے گی اور کلینک آن وہیل اور فیلڈ اسپتال کی تعداد بڑھائی جائے گی۔

ماہرین کا کہنا ہے کہ منصوبے کی ناکامی عوامی اعتماد کو بھی متاثر کر سکتی ہے، اور اب نجی شعبے کو سپرد کرنے کا فیصلہ حکومت کی ناکامی کا اعتراف ہے۔