کینیڈا میں چینی الیکٹرک گاڑیوں کی اجازت، امریکا کا سخت انتباہ
Web Desk
17 January 2026
واشنگٹن/اوٹاوا: کینیڈا کی جانب سے چینی الیکٹرک گاڑیوں (EVs) کو محدود ٹیرف پر درآمد کی اجازت دینے کے فیصلے پر امریکا نے شدید ردِعمل دیا ہے۔ امریکی حکام نے خبردار کیا ہے کہ کینیڈا کو اس فیصلے پر پچھتانا پڑ سکتا ہے۔
امریکی وزیرِ ٹرانسپورٹ شان ڈفی نے کہا کہ کینیڈا نے چینی گاڑیوں کو اپنے بازار میں آنے کی اجازت دے کر غلط قدم اٹھایا ہے، تاہم یہ گاڑیاں امریکا میں داخل نہیں ہونے دی جائیں گی۔
واضح رہے کہ کینیڈا نے 2024 میں چینی الیکٹرک گاڑیوں پر 100 فیصد ٹیرف عائد کیا تھا، مگر اب وزیراعظم مارک کارنی نے بیجنگ میں ایک معاہدے کا اعلان کیا ہے جس کے تحت 49 ہزار تک چینی الیکٹرک گاڑیاں 6.1 فیصد ٹیرف پر کینیڈا درآمد کی جا سکیں گی۔
امریکی تجارتی نمائندے جیمیسن گریئر کا کہنا ہے کہ یہ گاڑیاں صرف کینیڈا تک محدود رہیں گی اور امریکی آٹو انڈسٹری پر براہِ راست اثر نہیں ڈالیں گی، تاہم انہوں نے اس فیصلے کو ایک “سنگین مسئلہ” قرار دیا اور کہا کہ امریکا اپنے آٹو ورکرز کے تحفظ کے لیے چینی گاڑیوں پر سخت ٹیرف برقرار رکھے گا۔
گریئر نے مزید کہا کہ امریکا میں سائبر سیکیورٹی سے متعلق سخت قوانین ہیں، جس کے باعث چینی گاڑیوں کے لیے امریکی مارکیٹ میں داخل ہونا مشکل ہوگا۔
ریپبلکن سینیٹر برنی مورینو نے کہا کہ جب تک وہ زندہ ہیں، امریکا میں چینی گاڑیاں فروخت نہیں ہونے دیں گے۔ دوسری جانب صدر ڈونلڈ ٹرمپ ماضی میں یہ کہہ چکے ہیں کہ وہ چاہتے ہیں چینی کمپنیاں امریکا میں گاڑیاں تیار کریں، تاہم دونوں بڑی امریکی جماعتیں چینی گاڑیوں کی مخالفت کر رہی ہیں۔
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026