چینی صدر اور امریکی صدر کا ٹیلی فونک رابطہ، تائیوان اور عالمی مسائل پر تبادلہ خیال

چینی صدر شی جن پنگ اور امریکی صدر ڈونلڈ ٹرمپ کے درمیان ٹیلی فونک رابطہ ہوا، جس میں دونوں رہنماؤں نے تائیوان، عالمی تعلقات اور بین الاقوامی مسائل پر تبادلہ خیال کیا۔چینی میڈیا کے مطابق صدر شی جن پنگ نے کہا کہ تائیوان کا چین میں واپس آنا عالمی نظام کے لیے اہمیت رکھتا ہے۔

انہوں نے اس بات پر زور دیا کہ چین اور امریکہ کے تعلقات مثبت سمت میں جا رہے ہیں اور دونوں ممالک کو باہمی تعاون مزید بڑھانے کی ضرورت ہے۔چینی صدر نے یوکرین کے بحران پر کام کرنے والے تمام فریقوں پر بھی زور دیا کہ وہ اپنے اختلافات کم کریں اور مسئلے کے پرامن حل کی کوشش کریں۔
وائٹ ہاؤس نے بھی امریکی صدر ڈونلڈ ٹرمپ سے صدر شی جن پنگ کی ٹیلی فونک گفتگو کی تصدیق کی ہے، اور کہا کہ دونوں ممالک نے باہمی تعلقات کو فروغ دینے اور عالمی امن کے لیے تعاون جاری رکھنے پر اتفاق کیا ہے۔