چین کا ایران سے حوثیوں پر اثرو رسوخ استعمال کرنے کا مطالبہ

چین نے خطے کی صورتحال اور خصوصاً سعودی عرب کی باضابطہ درخواست پر ایران سے رابطہ کرتے ہوئے مطالبہ کیا ہے کہ وہ یمن کے حوثی باغیوں پر اپنا اثر و رسوخ استعمال کرے تاکہ بحیرہ احمر (Red Sea) اور باب المندب میں پیدا ہونے والی کشیدگی اور بحری جہاز رانی کو درپیش خطرات کو کم کیا جا سکے۔ عالمی خبر رساں ادارے ‘رائٹرز’ کے مطابق بیجنگ نے تہران پر زور دیا ہے کہ وہ اس اہم بین الاقوامی سمندری راستے پر امن اور محفوظ آمد و رفت کی بحالی میں اپنا مثبت اور فعال کردار ادا کرے۔

چینی وزارتِ خارجہ کے ترجمان نے سرکاری طور پر تمام فریقین کو صبر و تحمل، مذاکرات، اور بحیرہ احمر میں تجارتی جہازوں کی آزادانہ اور محفوظ نقل و حرکت کی بحالی کا مشورہ دیا ہے۔ بیجنگ انتظامیہ نے واضح کیا ہے کہ چین کسی صورت یہ نہیں چاہتا کہ مشرقِ وسطیٰ میں جاری کشیدگی اور نادیدہ جنگ مزید پھیلے اور یمن یا بحیرہ احمر کو اپنے لپیٹ میں لے۔ چینی حکام نے تمام ممالک کی علاقائی خودمختاری اور تنازعات کو جنگ کے بجائے صرف پرامن سفارتی گفتگو اور مذاکرات کے ذریعے حل کرنے کے اصولی موقف کو دہرایا ہے۔