امریکا خلا میں فوجی طاقت بڑھانے کا سلسلہ بند کرے، چین کا مطالبہ

چین کی وزارتِ خارجہ نے خلا میں ہتھیاروں کی دوڑ کی شدید مخالفت کرتے ہوئے امریکہ پر زور دیا ہے کہ وہ خلا کو عسکری رنگ دینے اور اپنی فوجی طاقت بڑھانے کے سلسلے کو فوری طور پر بند کرے۔ چینی وزارتِ خارجہ کے ترجمان نے اپنے ایک پالیسی بیان میں واضح کیا کہ بیجنگ خلا کو جنگی میدان بنانے کی کسی بھی امریکی یا بین الاقوامی کوشش کو یکسر مسترد کرتا ہے، کیونکہ اس قسم کا اقدام بین الاقوامی برادری کی امن و سلامتی کی کوششوں پر پانی پھیر سکتا ہے۔

چینی حکام نے شدید تحفظات کا اظہار کرتے ہوئے خبردار کیا ہے کہ خلا میں فوجی سرگرمیوں، ہتھیاروں کی تنصیب اور دفاعی مقابلے بازی میں اضافے سے عالمی امن و استحکام کو انتہائی سنگین خطرات لاحق ہوں گے۔ چین کا کہنا ہے کہ امریکہ کی جانب سے خلائی عسکریت پسندی کا فروغ عالمی توازن کو بگاڑنے کا سبب بنے گا، لہٰذا تمام عالمی طاقتوں کو خلا کو صرف اور صرف پرامن اور سائنسی مقاصد کے لیے استعمال کرنے کی پابندی کرنی چاہیے