ضلع دیامر میں سیلابی ریلوں سے تباہی، متعدد مکانات اور رابطہ پل بہہ گئے
Web Desk
13 July 2026
چلاس کے ضلع دیامر میں موسلا دھار بارشوں کے بعد آنے والے خوفناک سیلابی ریلوں اور طغیانی نے تھور، کھنبری، بونرداس اور نیاٹ سمیت مختلف علاقوں میں بڑے پیمانے پر تباہی مچا دی ہے۔ سیلابی ریلوں کے باعث متعدد مکانات، وسیع رقبے پر کھڑی فصلیں، زرعی زمینیں اور درخت بہہ گئے ہیں جبکہ سیلابی ملبہ گھروں میں داخل ہو گیا ہے۔ بونرداس میں آنے والے سیلاب کی وجہ سے شاہراہِ قراقرم ہر قسم کی ٹریفک کے لیے بند ہو گئی ہے، جس کے نتیجے میں سینکڑوں مسافر، مال بردار گاڑیاں اور سیاح کھلے آسمان تلے پھنس کر رہ گئے ہیں۔ تھور کے مقام پر ایک نجی کمپنی کے 13 ڈمپر، ایک ایکسویٹر، ایک کریش پلانٹ اور 2 واٹر ٹینکر بھی سیلابی ریلے کی نذر ہو چکے ہیں۔ تباہی کے باعث متاثرہ علاقوں میں بجلی اور مواصلات کا نظام درہم برہم ہو گیا ہے اور متعدد رابطہ سڑکیں بند ہیں۔ متاثرین نے حکومت سے فوری امدادی کارروائیوں، بجلی کی بحالی اور سڑکوں کی مرمت کا مطالبہ کیا ہے، جس پر متعلقہ اداروں نے نقصانات کا تخمینہ لگانے اور سڑکوں کی بحالی کے لیے آپریشن شروع کر دیا ہے۔
متعلقہ عنوانات
جنگ کے خاتمے اور لبنان کی خود مختاری یقینی بنائے بغیر امن ممکن نہیں: باقر قالیباف
16 November 2026
عالمی منڈی میں خام تیل کی قیمتوں میں مجموعی طور پر کمی اور اتار چڑھاؤ کا رجحان برقرار
16 November 2026
ایرانی فوج کا آبنائے ہرمز میں امریکی MQ-1 ڈرون مار گرانے کا دعویٰ
16 November 2026
یوکرینی صدر زیلنسکی کا امریکی اور یورپی نمائندوں سے نئے مذاکرات کا انکشاف
16 November 2026
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026