چمن،افغان فورسز کی فائرنگ،3 پاکستانی زخمی

افغان سرحد کے قریب افغان فورسز کی بلا اشتعال فائرنگ سے تین پاکستانی شہری زخمی ہو گئے۔ ڈی ایچ او چمن ڈاکٹر نوید کے مطابق زخمیوں میں دو خواتین اور ایک مرد شامل تھے، جنہیں ابتدائی طبی امداد فراہم کرنے کے بعد فارغ کر کے گھروں کو بھیج دیا گیا۔
سیکیورٹی ذرائع کا کہنا ہے کہ رات گئے افغان فورسز نے بابِ دوستی گیٹ کے قریب پاکستانی پوسٹ پر بلا اشتعال فائرنگ کی، جس کے بعد پاک فوج نے بروقت اور مؤثر جوابی کارروائی کی۔ ذرائع کے مطابق پاکستانی فورسز کے ردعمل کے بعد افغان اہلکار اپنے مورچے چھوڑ کر فرار ہو گئے۔
سیکیورٹی ذرائع نے بتایا کہ پاکستانی فورسز کی جوابی کارروائی سے افغان فورسز کی متعدد فوجی چوکیاں متاثر ہوئیں۔ پاک افغان سرحد پر اس وقت مکمل خاموشی ہے