صدر ٹرمپ کے غزہ امن بورڈ سے اصولی طور پر اتفاق کرتے ہیں، کینیڈین وزیراعظم

اوٹاوا: کینیڈا کے وزیراعظم مارک کارنی نے کہا ہے کہ ان کا ملک امریکی صدر ڈونلڈ ٹرمپ کے غزہ امن بورڈ کے اصولی تصورات سے مکمل طور پر متفق ہے۔
انہوں نے مزید کہا کہ غزہ امن بورڈ کی تفصیلات، جیسے ڈھانچہ، کام کا طریقہ، مالی وسائل اور دیگر اہم امور ابھی طے ہونا باقی ہیں اور آنے والے دنوں میں اس پر تفصیلی کام کیا جائے گا۔
مارک کارنی نے کہا کہ کینیڈا غزہ میں موجود انسانی مشکلات کو کم کرنے کے لیے جو ممکن ہوگا، کرے گا۔ صدر ٹرمپ نے اس منصوبے پر کئی ہفتے قبل ہی کینیڈا سے بات چیت کی تھی، اور اب اس پر باقاعدہ کام جاری ہے۔
وزیراعظم نے زور دیا کہ یہ بورڈ غزہ میں امن اور معاشی استحکام کے فروغ کے لیے ایک اہم قدم ہوگا اور اس پر عمل درآمد شفاف اور مؤثر انداز میں ہونا چاہیے۔