سیاسی تناؤ کم کرنے کے لیے ملاقاتیں ضروری ہیں، کے پی میں کوئی فارورڈ بلاک نہیں: چیئرمین پی ٹی آئی بیرسٹر گوہر

چیئرمین پاکستان تحریک انصاف بیرسٹر گوہر خان نے میڈیا سے گفتگو کرتے ہوئے کہا ہے کہ ملک، قوم اور جمہوریت کے استحکام کے لیے سیاسی تناؤ کم کرنا ناگزیر ہے۔ بانی پی ٹی آئی سے سلمان صفدر کی ملاقات کو خوش آئند قرار دیتے ہوئے انہوں نے کہا کہ طویل عرصے بعد ہونے والی اس قانونی ملاقات میں صحت اور بنیادی حقوق کے مسائل زیرِ بحث آئے، جبکہ بنی گالہ يا اسلام آباد جیل منتقلی سے متعلق کوئی بات نہیں ہوئی۔ بیرسٹر گوہر نے خیبر پختونخوا میں فارورڈ بلاک کی اطلاعات کو رد کرتے ہوئے واضح کیا کہ تمام اراکینِ اسمبلی بانی کے ساتھ متحد ہیں اور وزیراعلیٰ کی نشست کے حوالے سے تمام فیصلے بانی پی ٹی آئی ہی کریں گے۔ انہوں نے ریاست مخالف بیانیے کی نفی کرتے ہوئے حکومت، فوج اور ریاست کو اپنا قرار دیا اور بانی پی ٹی آئی کے ذاتی ڈاکٹروں تک فوری رسائی کا مطالبہ دہرایا۔