ادویات پر 2D بارکوڈ کے نفاذ میں تاخیر، ڈیٹا جمع نہ کرانے والی کمپنیوں کے پیداواری یونٹس سیل کرنے کا فیصلہ

وفاقی وزیر صحت مصطفیٰ کمال کی زیر صدارت ادویات پر 2D بارکوڈ کے نفاذ کا جائزہ اجلاس منعقد ہوا، جس میں ڈریپ حکام اور فارماسیوٹیکل اسٹیک ہولڈرز نے شرکت کی۔ اجلاس میں آگاہ کیا گیا کہ تقریباً 80 فیصد فارماسیوٹیکل کمپنیوں نے ادویات کی ٹریکنگ کے لیے 2D بارکوڈ سسٹم پر عملدرآمد شروع کر دیا ہے، جبکہ ڈیٹا جمع نہ کرانے والی کمپنیوں کو نوٹسز جاری کرنے کا فیصلہ کیا گیا ہے۔ وفاقی وزیر نے واضح کیا کہ جعلی ادویات کے خاتمے کے لیے زیرو ٹالرنس پالیسی اپنائی جائے گی اور مقررہ مہلت تک سیریلائزیشن ڈیٹا فراہم نہ کرنے والی فارما کمپنیوں کے پیداواری یونٹس فوری طور پر سیل کر دیے جائیں گے تاکہ ملک بھر میں ادویات کی شفاف نگرانی کو یقینی بنایا جا سکے۔