بھارت کا دورہ یا انکار؟ بنگلہ دیش بورڈ کا کھلاڑیوں کے ساتھ فیصلہ کن اجلاس

ڈھاکا: بھارت جانے کے معاملے پر بنگلہ دیش کرکٹ بورڈ نے کھلاڑیوں اور اسپورٹس منسٹر کے ساتھ کل خصوصی اجلاس طلب کر لیا ہے، جس میں کھلاڑیوں سے دورۂ بھارت پر واضح رائے لی جائے گی۔

بنگلہ دیش بورڈ کے صدر امین الاسلام نے بدھ کی شب اسپورٹس منسٹر نذرل اسلام سے ملاقات کی تھی، جس میں ٹیم کی سکیورٹی صورتحال اور آئندہ لائحہ عمل پر غور کیا گیا۔

ذرائع کے مطابق بنگلہ دیش کی عبوری حکومت سکیورٹی خدشات کے باعث ٹیم کو بھارت بھیجنے کے حق میں نہیں۔ حکومت کا کہنا ہے کہ موجودہ حالات میں کھلاڑیوں کی جان و مال کا تحفظ اولین ترجیح ہے۔

دوسری جانب آئی سی سی نے بدھ کو بنگلہ دیش کی بھارت نہ جانے کی درخواست مسترد کر دی تھی۔ آئی سی سی نے بنگلہ دیش کو ٹی ٹوئنٹی ورلڈ کپ میں شرکت کے حوالے سے حتمی فیصلہ دینے کے لیے جمعرات تک کا وقت دیا ہے۔