142 ہائی رسک یونین کونسلز میں انسدادِ پولیو مہم آج سے شروع ہوگی

بلوچستان کی 142 ہائی رسک یونین کونسلز میں انسدادِ پولیو مہم کا آغاز آج سے ہو رہا ہے۔ ایمرجنسی آپریشنز سینٹر (ای او سی) کے مطابق، اس خصوصی مہم کے دوران 5 سال تک کی عمر کے 7 لاکھ 30 ہزار 670 بچوں کو پولیو سے بچاؤ کے قطرے اور حفاظتی ویکسین دینے کا ہدف مقرر کیا گیا ہے۔

ای او سی حکام کا کہنا ہے کہ یہ مہم صوبے کے انتہائی حساس اضلاع بشمول کوئٹہ، پشین، قلعہ عبداللہ، چمن اور برشور کی 142 مخصوص یونین کونسلز میں چلائی جائے گی۔

حکام نے مزید بتایا کہ ان ہائی رسک علاقوں کے ماحولیاتی نمونوں میں پولیو وائرس کی موجودگی پائے جانے کے باعث یہ مہم انتہائی اہمیت کی حامل ہے۔ ای او سی نے والدین سے اپیل کی ہے کہ وہ اپنے بچوں کے محفوظ مستقبل کے لیے پولیو ٹیموں سے تعاون کریں اور ہر بچے کو لازمی طور پر پولیو سے بچاؤ کی ویکسین دلوائیں۔