بحرین نے امریکی دعوت پر غزہ امن بورڈ میں شمولیت قبول کر لی

متحدہ عرب امارات کے بعد بحرین نے بھی امریکی دعوت پر غزہ امن بورڈ میں شمولیت کر لی ہے۔ بحرینی وزارت خارجہ کے مطابق یہ دعوت امریکی صدر ڈونلڈ ٹرمپ نے دی تھی جسے شاہِ بحرین حماد بن عیسیٰ آل خلیفہ نے قبول کر لیا۔

بحرینی وزارت خارجہ نے کہا کہ یہ فیصلہ غزہ کے لیے صدر ٹرمپ کے 20 نکاتی امن منصوبے پر مکمل عمل درآمد کی حمایت کا عکاس ہے، کیونکہ یہ منصوبہ فلسطینی عوام کے جائز حقوق کے تحفظ کے لیے نہایت اہم ہے۔ وزارت خارجہ نے امید ظاہر کی کہ بورڈ آف پیس اپنے مقاصد حاصل کرے گا، جن میں تعاون کا فروغ، استحکام کی حمایت، اور سب کے لیے ترقی و خوشحالی شامل ہے۔