آسٹریلیا: سینیٹر پاؤلین ہینسن کا برقعہ پابندی بل، شدید تنقید کا سامنا

آسٹریلوی سینیٹ میں شدت پسند سینیٹر پاؤلین ہینسن نے برقعہ پر پابندی کے بل کی حمایت کے لیے خود برقعہ پہن کر اسمبلی میں شرکت کی، تاہم ان کے اس اقدام کو ساتھی سینیٹرز نے سخت تنقید کا نشانہ بنایا اور اسے نسل پرستی پر مبنی اقدام قرار دیا۔

آسٹریلوی سینیٹ نے بالآخر برقعہ پر پابندی کے بل کو مسترد کر دیا۔ علاوہ ازیں، آسٹریلوی وزیر خارجہ نے سینیٹر پاؤلین کے اقدام کو انتہائی غیر مناسب اور بے ادبی قرار دیا۔

یاد رہے کہ سینیٹر پاؤلین تارکین وطن کی شدید مخالف ہیں اور اکثر اپنے متنازع بیانات کے باعث خبروں میں رہتی ہیں۔