26 نومبر احتجاج کیس: راولپنڈی کی انسداد دہشت گردی عدالت کا محفوظ فیصلہ کل سنایا جائے گا

راولپنڈی کی انسداد دہشت گردی عدالت (ATC) میں 26 نومبر کے احتجاج سے متعلق درج مقدمے کا فیصلہ محفوظ کر لیا گیا ہے، جو کہ کل سنایا جائے گا۔ مقدمے کا فیصلہ اے ٹی سی راولپنڈی کے جج امجد علی شاہ کی جانب سے جاری کیا جائے گا۔

واضح رہے کہ 26 نومبر کے احتجاج کے سلسلے میں یہ مقدمہ راولپنڈی کے تھانہ صادق آباد میں درج کیا گیا تھا۔ اس مقدمے میں بانی پی ٹی آئی کی ہمشیرہ علیمہ خانم سمیت 10 ملزمان کو نامزد کیا گیا ہے جن پر احتجاج کے دوران جلاؤ گھیراؤ، توڑ پھوڑ اور انسداد دہشت گردی ایکٹ کی مختلف دفعات کے تحت الزامات عائد کیے گئے ہیں۔ عدالت کی جانب سے محفوظ کیے جانے والے اس فیصلے کو انتہائی اہمیت کا حامل قرار دیا جا رہا ہے۔