بی بی آصفہ بھٹو زرداری سے جرمن قونصل جنرل کی ملاقات، باہمی تعاون کے فروغ پر اتفاق

کراچی میں اسلامی جمہوریہ پاکستان کی خاتونِ اول اور رکنِ قومی اسمبلی بی بی آصفہ بھٹو زرداری سے جرمنی کے قونصل جنرل تھامس شولٹز نے اپنی اہلیہ کاٹیا ہویزل کے ہمراہ ملاقات کی۔

ملاقات میں باہمی دلچسپی کے امور اور پاکستان جرمنی تعاون کے مختلف امکانات پر تفصیلی تبادلہ خیال کیا گیا۔

بی بی آصفہ بھٹو زرداری نے صحت، تعلیم اور خواتین کے بااختیار بنانے کے شعبوں میں مشترکہ کاوشوں کی ضرورت پر زور دیتے ہوئے کہا کہ ان شعبوں میں تعاون دونوں ممالک کے لیے مثبت نتائج لا سکتا ہے۔

اس موقع پر صوبائی وزیر صحت ڈاکٹر عذرا فضل پیچوہو، صوبائی وزیر تعلیم سردار شاہ، سینیٹر شیری رحمان اور سینیٹر قرۃ العین مری بھی موجود تھیں۔