مشرق وسطیٰ جنگ، ایشیائی بینک نے مالی پیکیج کا اعلان کردیا

ایشیائی ترقیاتی بینک نے مشرقِ وسطیٰ تنازع کے اثرات سے نمٹنے کیلئے مالی پیکیج کا اعلان کر دیا۔اے ڈی بی حکام کا کہنا تھا کہ تیل، خوراک اور ضروری اشیاء کی درآمد جاری رکھنے کیلیے خصوصی فنانسنگ کا فیصلہ کیا گیاہے ۔ ترقی پذیر ممالک کو بجٹ سپورٹ اور سپلائی چین فنانس فراہم کیا جائے گا۔
اے ڈی بی نے محدود مدت کیلیے تیل کی درآمد کی فنانسنگ بحال کرنے کا بھی اعلان کیاہے  اور مشرقِ وسطیٰ تنازع سے توانائی کی  قیمتوں، مہنگائی اور کرنسیوں پر دباؤ بڑھنے کا خدشہ بھی ظاہر کیاہے۔

حکام کاکہناتھاکہ شپنگ روٹس متاثر، ترسیل مہنگی اور تاخیر کا شکار ہو رہی ہے، کھاد اور پیٹروکیمیکل سپلائی خطرے میں ہے۔  زرعی پیداوار متاثر ہونے کا خدشہ ہے ، سیاحت اور ترسیلاتِ زر پر انحصار کرنے والی معیشتیں زیادہ خطرے میں ہیں۔اے ڈی بی نے یقین دہانی کرائی ہے کہ رکن ممالک کی معیشتوں کے استحکام کیلئے فوری معاونت فراہم کی جائے گی۔