مسلح افواج ہمیشہ بہادر اور وقار پولیس کے شانہ بشانہ کھڑی رہیں گی: فیلڈ مارشل
Web Desk
20 January 2026
آرمی چیف و چیف آف ڈیفنس فورسز فیلڈ مارشل سید عاصم منیر نے نیشنل پولیس اکیڈمی، اسلام آباد کا دورہ کیا ۔۔ملک بھر میں امن کی حفاظت، قانون کی بالادستی اور عوام کے تحفظ کو یقینی بناتے ہوئے اپنی جانوں کا نذرانہ پیش کرنیوالے پولیس شہداء کی یادگار پر پھول رکھے اور فاتحہ خوانی کی، اور پولیس کے شہداء کو خراج عقیدت پیش کیا، اور دہشت گردی، جرائم اور داخلی سلامتی کے چیلنجز کے مقابلے میں پولیس اہلکاروں کی عظیم قربانیوں کا اعتراف کیا،.
آئی ایس پی آر کے مطابق نیشنل پولیس اکیڈیمی پہنچنے پر آرمی چیف و چیف آف ڈیفنس فورسز فیلڈ مارشل سید عاصم منیر کا کمانڈنٹ نیشنل پولیس اکیڈمی نے پرتپاک استقبال کیا اور پولیس کے چاق و چوبند دستے نے انہیں گارڈ آف آنر پیش کیا،
دورے کے دوران، فیلڈ مارشل کو سکول فار ہائی-امپیکٹ ایلیٹ لاء انفورسمنٹ ڈویلپمنٹ کے ساتھ ساتھ مختلف تربیتی پروگراموں اور اقدامات کے بارے میں بتایا گیا، جن کا مقصد پولیس کی استعداد کار میں اضافہ اور جدید کاری ہے، انہوں نے کیڈٹ اسسٹنٹ سپرنٹنڈنٹس آف پولیس سے بھی بات چیت کی، اور شہریوں کی جان، مال اور عزت کے تحفظ میں دفاع کی پہلی لائن کے طور پر پولیس کے اہم کردار پر روشنی ڈالی،
انسپکٹرز جنرل آف پولیس ایڈیشنل آئی جی پیز، اور سینئر پولیس حکام سے خطاب کرتے ہوئے، انہوں نے ایجنسیوں کے درمیان تعاون، پولیسنگ کے جدید طریقوں اور قانون نافذ کرنے والے اداروں پر عوام کے اعتماد کو فروغ دینے کی اہمیت پر زور دیا، انہوں نے کہاکہ اندرونی سلامتی اور قانون کی حکمرانی کو یقینی بنانے کے لیے ایک مضبوط، پیشہ ورانہ اور عوامی پولیس فورس ناگزیر ہے،
فیلڈ مارشل نے ریمارکس دیئے کہ امن و امان کے نفاذ کے لئے پولیس کی ذمہ داری ایک مقدس امانت ہے اور مسلح افواج پاکستان کے بہادر اور قابل فخر پولیس اہلکاروں کے ساتھ ہمیشہ پوری طرح کھڑی رہے گی، سینئر پولیس قیادت نے پولیسنگ کے معیار کو مزید مستحکم کرنے، پیشہ ورانہ صلاحیت کو بڑھانے اور عصری سیکیورٹی چیلنجوں سے نمٹنے کے لیے ضروری ادارہ جاتی اصلاحات کو آگے بڑھانے کے لئے اپنے عزم کا اعادہ کی
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026