ارجنٹینا فٹبال ایسوسی ایشن پر امریکا میں منی لانڈرنگ کے الزامات، تحقیقات شروع

ارجنٹائن فٹبال ایسوسی ایشن (AFA) کے خلاف امریکہ کے سب سے بڑے فیڈرل بیورو آف انویسٹی گیشن (FBI) نے گھیرا تنگ کر دیا ہے۔ امریکی میڈیا کی جانب سے جاری کردہ حالیہ رپورٹس کے مطابق، ایف بی آئی نے ارجنٹائن فٹبال ایسوسی ایشن کے خلاف امریکہ کی سرزمیں پر ممکنہ مالی فراڈ، کرپشن اور منی لانڈرنگ کے سنگین الزامات کے تحت باقاعدہ تحقیقات کا آغاز کر دیا ہے۔ یہ تفتش اس وقت شروع کی گئی جب امریکی بینکنگ سسٹم کے ذریعے کروڑوں ڈالر کی مشکوک اور غیر معمولی ٹرانزیکشنز (حجم کی منتقلی) کا سراغ ملا۔

رپورٹ کے اسٹریٹجک دعووں کے مطابق، ارجنٹائن فٹبال ایسوسی ایشن نے مبینہ طور پر تقریباً 300 ملین ڈالر کی بھاری رقم امریکی ریاست فلوریڈا منتقل کی تھی۔ ایف بی آئی اس وقت اسی مالی لین دین کی قانونی حیثیت اور ذرائع کا باریک بینی سے تعین کر رہی ہے، تاہم حکام کا کہنا ہے کہ تاحال اس کیس میں کسی بھی فرد یا ادارے پر باضابطہ طور پر جرم ثابت نہیں ہوا ہے۔ رپورٹ میں مزید انکشاف کیا گیا ہے کہ یہ بھاری فنڈز ایسی کمپنیوں اور افراد کو منتقل کیے گئے ہیں جن کا فوری طور پر کوئی واضح معاشی، تجارتی یا فٹبال سے متعلق کاروباری جواز سامنے نہیں آ سکا ہے۔ امریکی تحقیقاتی ادارے کے ماہرین اس وقت تمام متعلقہ بینک ریکارڈز اور خفیہ مالی دستاویزات کا گہرا جائزہ لے رہے ہیں تاکہ یہ حتمی معلوم کیا جا سکے کہ آیا یہ ٹرانزیکشنز امریکی مالیاتی قوانین کے مطابق تھیں یا ان کا مقصد منی لانڈرنگ تھا۔ اس ہائی پروفائل تحقیقات کے بعد عالمی فٹبال کے حلقوں میں شدید تشویش پائی جا رہی ہے۔