نیتن یاہو کا جہاز گزرنے کیوں دیا؟ ایمنسٹی انٹرنیشنل کا فرانس پر دوہرے معیار کا الزام

عالمی حقوقِ انساني کی تنظیم ‘ایمنسٹی انٹرنیشنل’ نے اسرائیلی وزیراعظم بنیامین نیتن یاہو کے طیارے کو فرانسیسی فضائی حدود استعمال کرنے کی اجازت دینے پر فرانسیسی حکومت پر دوہرے معیار کا شدید الزام عائد کیا ہے۔ ایمنسٹی انٹرنیشنل کا کہنا ہے کہ ایک طرف فرانسیسی صدر ایمانوئل میکرون اقوامِ متحدہ کی جنرل اسمبلی میں عالمی قوانین اور پاسداری کی دہائی دے رہے ہیں، جبکہ دوسری جانب انسانیت کے خلاف جرائم اور جنگی جرائم میں ملوث اسرائیلی وزیراعظم نیتن یاہو کو اپنی فضاؤں سے گزرنے کا راستہ فراہم کر رہے ہیں۔

تنظیم نے فرانس کا نام لیے بغیر اس اقدام پر سخت سوالات اٹھاتے ہوئے کہا کہ جب فرانس ایک ایسے ملزم کو اپنے ملک کے اوپر سے پرواز کی اجازت دیتا ہے جس پر سنگین الزامات ہیں، تو کیا وہ خود بھی مجرموں کو سزا سے بچانے اور فرار فراہم کرنے میں برابر کا حصہ دار نہیں بن جاتا؟ ایمنسٹی نے مزید کہا کہ غزہ میں جاری مظالم پر فرانس اور بین الاقوامی برادری کی مسلسل بے عملی کے باعث اب ان کی اخلاقی و سفارتی ساکھ سوالیہ نشان بن چکی ہے۔