علیمہ خان کیخلاف 26 نومبر کے احتجاج پر درج مقدمے کا فیصلہ مؤخر

راولپنڈی کی انسدادِ دہشت گردی عدالت (ATC) نے پاکستان تحریکِ انصاف کے بانی کی ہمشیرہ علیمہ خان اور دیگر ملزمان کے خلاف 26 نومبر کے احتجاج کے سلسلے میں درج مقدمے کا فیصلہ مؤخر کر دیا ہے۔ مقدمے کا حتمی فیصلہ اے ٹی سی کے فاضل جج امجد علی شاہ کے رخصت پر ہونے کی بنا پر یکم اکتوبر تک التوا میں ڈالا گیا ہے۔

خیال رہے کہ انسدادِ دہشت گردی کی خصوصی عدالت نے 22 ستمبر کو فریقین کے حتمی دلائل مکمل ہونے کے بعد علیمہ خان سمیت تمام 10 ملزمان کے خلاف کیس کا فیصلہ محفوظ کیا تھا، جو مقررہ جدول کے مطابق آج جمعے کے روز سنایا جانا تھا۔ سماعت کے دوران علیمہ خان کے وکلا حتمی دلائل دینے کے لیے عدالت میں پیش نہیں ہوئے، جس کے بعد جج کی عدم دستیابی کے باعث فیصلہ یکم اکتوبر کے لیے معطل کر دیا گیا۔