امریکی ریاست الاسکا میں سینیٹ انتخابات، سیاسی تنازع شدت اختیار گیا
Web Desk
30 October 2026
امریکی ریاست الاسکا میں سینیٹ کے انتخابات کے دوران ڈیموکریٹس کی جانب سے حریف امیدواروں کے ووٹ تقسیم کرنے کے لیے مبینہ طور پر ‘ڈمی’ امیدوار میدان میں اتارنے کے سنگین الزامات سامنے آنے کے بعد سیاسی تنازع شدت اختیار کر گیا ہے، جس سے امریکی سینیٹ کا حتمی کنٹرول طے ہونے میں کئی ہفتوں کی تاخیر کا خدشہ پیدا ہو گیا ہے۔
الاسکا کے ری پبلکن گورنر مائیک ڈنلیوی نے ان الزامات کا سخت نوٹس لیتے ہوئے ان کی باضابطہ تحقیقات کا حکم دے دیا ہے۔ معروف امریکی اخبار ‘نیویارک ٹائمز’ کی ایک رپورٹ میں دعویٰ کیا گیا تھا کہ ڈیموکریٹک امیدوار میری پیلٹولا کی انتخابی ٹیم نے ری پبلکن سینیٹر ڈین سلیوان کے روایتی ووٹوں کو تقسیم کرنے کے لیے دو ایسے امیدواروں کو میدان میں اتارنے کی سازش کی جن میں سے ایک امیدوار کا نام بھی ہو بہو ‘ڈین سلیوان’ ہی ہے۔ دوسری جانب، میری پیلٹولا کی انتخابی مہم نے ان دونوں نامعلوم یا مشکوک امیدواروں کے ساتھ کسی بھی قسم کے تعلق یا وابستگی کی سختی سے تردید کی ہے، جبکہ ‘ڈیموکریٹک سینیٹ مہم کمیٹی’ نے بھی ان الزامات کو یکسر مسترد کر دیا ہے۔ اس کے برعکس، ری پبلکن رہنماؤں نے ڈیموکریٹس پر شفاف انتخابی عمل کو متنازع بنانے اور اسے اثر انداز کرنے کی کوشش کا شدید الزام عائد کیا ہے۔
اس تنازع میں اس وقت مزید شدت آ گئی جب امریکی صدر ڈونلڈ ٹرمپ نے خود بھی میری پیلٹولا کی اس انتخاب میں حصہ لینے کی اہلیت پر شدید سوالات اٹھاتے ہوئے کہا ہے کہ انہیں اس الخاب میں حصہ لینے کی اجازت دینا سراسر غیر منصفانہ ہوگا۔ واضح رہے کہ صدر ٹرمپ اس سے قبل محکمہ انصاف (ڈی او جے) پر بھی زور دے چکے ہیں کہ وہ الاسکا کے انتخابی حکام کو پیلٹولا کی ممکنہ کامیابی کی صورت میں اس کی باضابطہ توثیق سے روکنے کے لیے فوری طور پر قانونی کارروائی عمل میں لائے۔ تاہم، دوسری طرف انتخابی قانون کے نامور ماہرین کا کہنا ہے کہ محض کسی ہم نام یا حریف امیدوار کو ووٹ تقسیم کرنے کے روایتی سیاسی مقصد کے تحت میدان میں لانا فی الوقت الیکشن قوانین کے تحت براہِ راست غیر قانونی قرار نہیں دیا جا سکتا۔
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026