نوجوانوں کواے آئی سمیت جدید ٹیکنالوجی کےعلوم سےآراستہ کرنا ناگزیر: احسن اقبال

وفاقی وزیر برائے منصوبہ بندی، ترقی و اصلاحات احسن اقبال نے اس بات پر زور دیا ہے کہ ملکی معیشت کو پائیدار بنیادوں پر استوار کرنے کے لیے پاکستان کی نوجوان نسل کو آرٹیفیشل انٹیلی جنس (AI) اور جدید ٹیکنالوجی کے علوم سے آراستہ کرنا وقت کی اشد ضرورت ہے۔ اسلام آباد میں ایک اہم تقریب سے خطاب کرتے ہوئے انہوں نے کہا کہ دنیا ٹیکنالوجی کے شعبے میں تیزی سے پیش رفت کر رہی ہے، اور پاکستان کو بھی اس دوڑ میں خود کو آگے لانا ہوگا۔

وفاقی وزیر نے کہا کہ تعلیمی اداروں کو علم اور تحقیق کو عملی ٹیکنالوجی میں تبدیل کرنے کی صلاحیت حاصل کرنا ہوگی تاکہ قومی سطح پر جدت طرازی کو فروغ مل سکے۔ ان کا کہنا تھا کہ مضبوط اور مستحکم معیشت کے لیے نجی شعبے (پرائیویٹ سیکٹر) کا کردار انتہائی اہمیت کا حامل ہے۔ اس کے علاوہ انہوں نے جدید تکنیکی شعبوں میں خواتین کی بڑھتی ہوئی شمولیت کو خوش آئند قرار دیتے ہوئے تاکید کی کہ ‘میڈ ان پاکستان’ پروڈکٹس کے معیار کو بہتر بنا کر انہیں عالمی منڈیوں تک رسائی دلانا قومی ترجیح ہونی چاہیے۔