منشیات اسمگلنگ کے خلاف بڑی مشترکہ کارروائی,37 ارب روپے کی منشیات برآمد

منشیات اسمگلنگ کے خلاف بڑی مشترکہ کارروائی,37 ارب روپے کی منشیات برآم
Major Joint Operation Against Drug Smuggling; Narcotics Worth Rs. 37 Billion Seized
نیوی، میری ٹائم سیکیورٹی ایجنسی اور کسٹمز نے منشیات اسمگلنگ کے خلاف ایک بڑی مشترکہ اور کامیاب کارروائی کرتے ہوئے اربوں روپے مالیت کی منشیات اور غیر ملکی شراب برآمد کر لی۔ فیڈرل بورڈ آف ریونیو (ایف بی آر) کے مطابق کارروائی کے دوران تقریباً 37 ارب روپے مالیت کی 500 کلو آئس (میتھم فیٹامین) اور 3,500 غیر ملکی شراب کی بوتلیں تحویل میں لی گئیں۔

ایف بی آر کا کہنا ہے کہ برآمد کی گئی غیر ملکی شراب کو پاکستان اسمگل کیا جا رہا تھا، جبکہ منشیات کی کھیپ ایک بین الاقوامی منزل کے لیے روانہ کی جا رہی تھی۔ حکام کے مطابق آئس اور غیر ملکی شراب کی بین الاقوامی مارکیٹ میں مجموعی قیمت 13 کروڑ 20 لاکھ امریکی ڈالر بنتی ہے۔

ایف بی آر کے مطابق اسمگل شدہ مال کو باضابطہ طور پر کلکٹریٹ آف کسٹمز گڈانی نے اپنی تحویل میں لے لیا ہے، جبکہ واقعے کی مزید تحقیقات جاری ہیں اور ذمہ دار عناصر کے خلاف قانونی کارروائی عمل میں لائی جا رہی ہے۔

فیڈرل بورڈ آف ریونیو نے واضح کیا ہے کہ سمندری حدود کو اسمگلنگ اور دیگر غیر قانونی سرگرمیوں کے لیے استعمال ہونے سے ہر صورت روکا جائے گا، اور اس ضمن میں متعلقہ اداروں کے ساتھ مل کر سخت اقدامات جاری رہیں گے۔