افغان دارالحکومت کابل میں دھماکا، 2چینی باشندوں سمیت 7 افرادہلاک، متعددزخمی

افغانستان کے دارالحکومت کابل کے سخت سیکیورٹی زون میں واقع ہوٹل میں بم دھماکے کے سبب کم از کم سات افراد ہلاک اور متعدد زخمی ہوگئے، زخمیوں میں دو چینی باشندے بھی شامل ہیں۔

عالمی میڈیاکے مطابق طالبان کی وزارتِ داخلہ کے ترجمان نے دھماکے اور ہلاکتوں کی تصدیق کی ہے ۔وزارتِ داخلہ کے ترجمان عبدالمتین قانی نے بتایا کہ واقعے کی تحقیقات جاری ہیں ۔۔مزید تفصیلات جلد سامنے لائی جائیں گی۔ واضح رہے کہ دھماکاکابل کے علاقے شہرِ نومیں ہواہے جوغیر ملکیوں کی رہائش کے حوالے سے مشہورہے۔کابل پولیس کے ترجمان خالد زدران کے مطابق دھماکا گل فروشـی اسٹریٹ پر واقع ایک ہوٹل میں ہوا ۔