ایشیائی ترقیاتی بینک کی “آؤٹ لک رپورٹ”: پاکستان کی معاشی شرحِ نمو میں اضافے اور مہنگائی میں کمی کی پیشگوئی

ایشیائی ترقیاتی بینک (ADB) نے پاکستان کی معیشت کے حوالے سے اپنی تازہ رپورٹ جاری کر دی ہے، جس میں کہا گیا ہے کہ ملک میں بتدریج معاشی بہتری کا سلسلہ جاری ہے، تاہم خطرات اب بھی بدستور موجود ہیں۔ رپورٹ کے مطابق رواں مالی سال (2026) میں پاکستان کی معاشی شرحِ نمو 3.5 فیصد رہنے کا امکان ہے، جبکہ اگلے مالی سال (2027) میں اس کے مزید بڑھ کر 4.5 فیصد تک جانے کی پیشگوئی کی گئی ہے۔ اے ڈی بی کا کہنا ہے کہ نجی سرمایہ کاری میں اضافہ، تعمیراتی شعبے کی بحالی اور صنعت میں بہتری معیشت کو سہارا دینے میں کلیدی کردار ادا کریں گے۔

دوسری جانب، رپورٹ میں بڑھتی ہوئی مہنگائی اور بیرونی عوامل کے حوالے سے خبردار بھی کیا گیا ہے۔ ایشیائی ترقیاتی بینک کے مطابق مالی سال 2026 میں مہنگائی 6.4 فیصد جبکہ 2027 میں 6.5 فیصد تک جا سکتی ہے۔ رپورٹ میں واضح کیا گیا ہے کہ مشرقِ وسطیٰ میں جاری کشیدگی، تیل اور گیس کی قیمتوں میں ممکنہ اضافہ ملکی معیشت کے لیے بڑے خطرات ثابت ہو سکتے ہیں۔ اے ڈی بی نے اسٹیٹ بینک کی جانب سے محتاط مانیٹری پالیسی میں نرمی کی توقع ظاہر کرتے ہوئے اس بات پر زور دیا ہے کہ بیرونی جھٹکوں سے نمٹنے کے لیے معاشی اصلاحات کے تسلسل کو برقرار رکھنا انتہائی ضروری ہے۔