LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
نئے صوبوں کے قیام کیلئے عوامی رائے لینے میں کوئی حرج نہیں: بیرسٹرعقیل ملک ن لیگ سے اتحاد ملک کی خاطر کیا، نئے صوبوں پر عوامی رائے اہم ہے: گورنر پنجاب سی ڈی ڈبلیو پی نے 19 ارب 30 کروڑ روپے کے 7 ترقیاتی منصوبوں کی منظوری دے دی ای سی سی اجلاس، ایس ایم ایز کیلئے ایکسپورٹ فنانسنگ پالیسی میں ترامیم کی منظوری پنجاب ویٹ ریلیز اینڈ فلور ڈسٹری بیوشن آرڈر 2026 کا اطلاق آج سے ہو گا پاکستان اور بھارت کے درمیان تہذیبی روابط، مکالمے کا فروغ ناگزیر: مصدق ملک پٹرول کی قیمت میں ایک روہے کمی، ڈیزل 2 روپے لٹر مہنگا ہو گیا سعودی فوجی اتحاد کی حوثی ملیشیا کے خلاف کارروائی، 7 فوجی اہداف تباہ کرنے کا دعویٰ روس کی پاکستان اور افغانستان کے درمیان مذاکرات میں ثالثی کی پیشکش ایم کیو ایم رکن سندھ اسمبلی اعجاز الحق نے رکنیت سے استعفی دے دیا: ذرائع خیبرپختونخوا سے متعلق پانچ آرڈیننسز کے اجرا کی تیاری، وفاق نے سمری منظور کر لی موجودہ نظام اللہ کے احکامات کے خلاف، اسے ختم ہونا چاہیے: حافظ نعیم الرحمٰن پاکستان نے اقوام متحدہ میں بھارت کے غیر سفارتی اور بے بنیاد بیانات مسترد کردیے جنگ کا بڑا حصہ گزر چکا، ایک بڑا مرحلہ باقی ہے، احمد وحیدی وفاقی اداروں میں بدعنوانی کے امکانات کی جائزہ رپورٹ تیار کرلی: اعظم تارڑ

سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا

Web Desk

20 November 2026

سینئر اینکر پرسن ربیعہ احسن قتل کیس میں عدالت سے ضمانت منظور ہونے اور مقتولہ کے اہلِ خانہ کی جانب سے معافی دیے جانے کے بعد ملزم احسن طاہر کو اڈیالہ جیل سے رہا کر دیا گیا ہے۔

جیل ذرائع کے مطابق عدالت کی جانب سے ملزم کی رہائی کے باضابطہ احکامات (روبکار) اڈیالہ جیل انتظامیہ کو موصول ہونے کے بعد قانونی کارروائی مکمل کر کے ملزم کی رہائی عمل میں لائی گئی۔

واضح رہے کہ گزشتہ روز ایڈیشنل ڈسٹرکٹ اینڈ سیشن جج خرم سلیم نے ملزم احسن طاہر کی درخواستِ ضمانت بعد از گرفتاری دو لاکھ روپے کے مچلکوں کے عوض منظور کی تھی، تاہم اس وقت ضروری قانونی دستاویزات نامکمل ہونے کے باعث ملزم کی رہائی مؤخر ہو گئی تھی۔

ذرائع نے مزید بتایا کہ گزشتہ روز مقتولہ ربیعہ احسن کے اہلِ خانہ نے ملزم احسن طاہر کو اللہ کی رضا کے لیے معاف کر دیا تھا، جس کے سلسلے میں مقتولہ کی والدہ، بہن اور مقدمے کے مدعی خرم احمد نے عدالت میں باقاعدہ بیانِ حلفی (حلف نامے) بھی جمع کروائے تھے۔

یاد رہے کہ سینئر اینکر پرسن ربیعہ احسن مبینہ طور پر اپنے شوہر احسن طاہر کی فائرنگ سے جاں بحق ہو گئی تھیں، جس کا مقدمہ راولپنڈی کے تھانہ صدر بیرونی میں درج کیا گیا تھا۔