شازیہ منظور کی جائیداد پر مبینہ قبضے کی کوشش، 2 ملزمان گرفتار
Web Desk
20 November 2026
پاکستان کی معروف گلوکارہ شازیہ منظور کی جائیداد پر مبینہ طور پر قبضہ کرنے کی کوشش اور سنگین نتائج کی دھمکیاں دینے کے الزام میں لاہور پولیس نے کارروائی کرتے ہوئے 2 ملزمان کو گرفتار کر لیا ہے۔
ترجمان ڈی آئی جی آپریشنز لاہور کے مطابق تھانہ ملت پارک پولیس نے گلوکارہ شازیہ منظور کی درخواست پر فوری طور پر مقدمہ درج کرتے ہوئے بروقت کارروائی عمل میں لائی اور مقدمے میں نامزد دو ملزمان سہیل اور بینش کو حراست میں لے لیا۔
پولیس حکام کا کہنا ہے کہ گرفتار ملزمان پر معروف گلوکارہ سے ان کی جائیداد کے کاغذات پر زبردستی دستخط کروانے اور متنازع جائیداد پر پہنچ کر وہاں مقیم کرایہ داروں کو ہراساں کرنے اور دھمکانے کے سنگین الزامات عائد کیے گئے ہیں۔ ملزمان کے خلاف دھمکیاں دینے اور خواتین کو ہراساں کرنے سے متعلق قانونی دفعات کے تحت مقدمہ درج کیا گیا ہے۔
پولیس کے مطابق تفتیش کے دوران واقعے کی سی سی ٹی وی فوٹیج بھی حاصل کر لی گئی ہے جس کی مدد سے شواہد اکٹھے کیے جا رہے ہیں، جبکہ واردات میں ملوث دیگر شریک ملزمان کی گرفتاری کے لیے چھاپے مارے جا رہے ہیں اور مزید تفتیش جاری ہے۔
اس حوالے سے ڈی آئی جی آپریشنز لاہور فیصل کامران نے واضح کیا ہے کہ شہر میں قبضہ مافیا، خواتین کو ہراساں کرنے اور شہریوں کے حقوق غصب کرنے والے عناصر کے خلاف بلاامتیاز اور سخت قانونی کارروائی عمل میں لائی جائے گی۔
متعلقہ عنوانات
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور
19 November 2026
ڈبلیو ڈبلیو ای کے لیجنڈ ریسلر 87 برس کی عمر میں انتقال کر گئے
19 November 2026
پرنس ولیم سے ملاقات میں سیف علی خان کے شاہی خاندانی پس منظر کا بھی ذکر
19 November 2026
ون بلین فالوورز سمٹ جنوری 2027ء میں، بہترین تخلیقی فلم کیلئے 10 لاکھ ڈالر انعام مقرر
19 November 2026