LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

مریم نواز پر ان کے اتحادی وزیر کرپشن کے الزامات لگا رہے ہیں: سعدیہ جاوید

Web Desk

16 November 2026

پاکستان پیپلز پارٹی کی رہنما اور ترجمان سندھ حکومت سعدیہ جاوید نے کہا ہے کہ وزیراعلیٰ پنجاب مریم نواز پر ان کے اپنے اتحادی وزیر کرپشن کے سنگین الزامات عائد کر رہے ہیں۔

لاہور پریس کلب میں میڈیا نمائندوں سے گفتگو کرتے ہوئے سعدیہ جاوید کا کہنا تھا کہ ملک میں نئے صوبوں کے قیام کے حوالے سے سیاسی حلقوں میں بحث ضرور جاری ہے، تاہم ابھی تک اس سلسلے میں کوئی باضابطہ پیپر ورک یا عملی پیش رفت سامنے نہیں آئی۔ انہوں نے اس عزم کا اظہار کیا کہ پاکستان پیپلز پارٹی پنجاب میں بھی جلد اپنا کھویا ہوا سیاسی مقام دوبارہ حاصل کرے گی۔

سندھ حکومت کے فلاحی منصوبوں کا ذکر کرتے ہوئے انہوں نے کہا کہ پیپلز پارٹی صوبے میں دس لاکھ گھر عوام کو قرضوں کے بوجھ تلے دبانے کے بجائے بالکل مفت فراہم کر رہی ہے، جبکہ نوجوانوں کو بااختیار بنانے کے لیے سندھ میں پیپلز پارٹی ’یوتھ کارڈ‘ بھی متعارف کروا رہی ہے۔ وفاقی منصوبوں پر تنقید کرتے ہوئے ترجمان سندھ حکومت نے کہا کہ کراچی کو پینے کے صاف پانی کی فراہمی کے لیے اہم ترین ’کے فور‘ (K-IV) منصوبہ وفاقی حکومت نے تعمیر کرنا تھا، تاہم یہ عوامی منصوبہ مسلسل تاخیر کا شکار ہے۔

سیاسی صورتحال پر بات کرتے ہوئے رہنما پیپلز پارٹی کا کہنا تھا کہ کرپشن پورے ملک کا ایک مشترکہ مسئلہ ہے، اور ہم مریم نواز پر کرپشن کا الزام نہیں لگا رہے بلکہ ان کے اپنے ہی اتحادی وزیر ان پر کرپشن کے الزامات لگا رہے ہیں۔ معاشی چیلنجز کے حوالے سے ان کا مزید کہنا تھا کہ جب تک ملک میں بجلی اور توانائی کی بڑھتی ہوئی قیمتوں میں واضح کمی نہیں کی جائے گی، اس وقت تک پاکستان کی معیشت مستحکم ہو کر ترقی کی راہ پر گامزن نہیں ہو سکتی۔

Headline:مریم نواز پر ان کے اپنے اتحادی وزیر کرپشن کے الزامات لگا رہے ہیں، توانائی کی قیمتوں میں کمی کے بغیر معیشت ترقی نہیں کر سکتی: سعدیہ جاوید