اسلام آباد کی انتظامی اور جغرافیائی ہیئت تبدیل کرنے کا منصوبہ تیار
Web Desk
16 November 2026
وفاقی دارالحکومت اسلام آباد کو خصوصی انتظامی حیثیت دینے کے لیے ابتدائی تیاریاں مکمل کر لی گئی ہیں، جبکہ اس کے ساتھ ہی دارالحکومت کی جغرافیائی حدود میں نمایاں توسیع کی تجویز بھی سنجیدگی سے زیرِ غور ہے۔
اعلیٰ حکومتی ذرائع کے مطابق وفاقی دارالحکومت اسلام آباد کے انتظام و انصرام کو جدید خطوط پر استوار کرنے کے لیے ایک نیا اور جامع انتظامی ماڈل متعارف کرانے کا منصوبہ تیار کر لیا گیا ہے، جس کے تحت اسلام آباد کو خصوصی اسٹیٹس یا ایک مثالی انتظامی یونٹ کا درجہ دینے کی تجویز دی گئی ہے۔ مجوزہ منصوبے کے خدوخال کے مطابق اس نئے نظام میں اسلام آباد کا بااختیار انتظامی سربراہ میئر ہوگا، جبکہ اس خصوصی انتظامی یونٹ کے منتخب اراکین کی تعداد 25 سے 30 تک رکھنے کی تجویز زیرِ غور ہے۔
ذرائع نے مزید انکشاف کیا ہے کہ اس مجوزہ منصوبے میں وفاقی دارالحکومت کی موجودہ جغرافیائی حدود میں توسیع بھی شامل ہے۔ اس سلسلے میں خیبرپختونخوا کے ضلع ہری پور، راولپنڈی کے ملحقہ بعض علاقوں، اور ضلع مری کے قومی اسمبلی کے حلقہ این اے 51 کے علاقوں کو وفاقی دارالحکومت اسلام آباد کی حدود میں شامل کرنے کی تجویز پر غور کیا جا رہا ہے۔
دوسری جانب، ذرائع کا کہنا ہے کہ ماضی میں زیرِ بحث رہنے والا گوادر یا ملک کی دیگر بندرگاہوں کو اسلام آباد کے انتظامی ڈھانچے میں شامل کرنے کا منصوبہ باضابطہ طور پر ترک کر دیا گیا ہے۔ تاہم، مجوزہ نئے انتظامی ماڈل کے نفاذ اور دارالحکومت کی حدود میں تبدیلی سے متعلق حتمی فیصلے اور قانونی تقاضوں کی تفصیلات تاحال منظرِ عام پر نہیں آ سکیں۔
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026