امریکا کے ایئرپورٹس پر مسافروں کا رش، طیاروں کی پارکنگ کیلئے جگہ کم پڑنے لگی

امریکا بھر کے ایئرپورٹس پر جمعرات کے روز تقریباً 25 لاکھ مسافروں کی سکیورٹی چیکنگ کے باعث فضائی آپریشنز شدید مشکلات اور تعطل کا شکار ہو گئے ہیں، جہاں مسافروں اور طیاروں کے غیر معمولی رش کے باعث متعدد ایئرپورٹس پر طیاروں کی پارکنگ کے لیے جگہ کم پڑنے لگی ہے۔ امریکی میڈیا رپورٹس کے مطابق واشنگٹن کے ریگن نیشنل ایئرپورٹ پر طیاروں کی پارکنگ کے لیے مختص تمام جگہیں مکمل طور پر پُر ہو چکی ہیں، جبکہ شکاگو کے اوہیر انٹرنیشنل ایئرپورٹ سے گزشتہ دو گھنٹوں کے دوران کوئی پرواز روانہ نہیں ہو سکی جس سے ہزاروں مسافروں کو شدید پریشانی کا سامنا ہے۔ دوسری جانب امریکی فیڈرل ایوی ایشن ایڈمنسٹریشن (ایف اے اے) کا کہنا ہے کہ ملک بھر میں نیویگیشن مراکز کی بحالی کے ساتھ ہی پروازوں کی روانگی کی اجازت دی جائے گی، جبکہ فضائی آپریشنز کی مکمل بحالی ایئر ٹریفک کنٹرول کمانڈ سینٹر سے رابطے اور باہمی ہم آہنگی سے مشروط ہے۔