سموگ کے باعث سکولوں میں چھٹیاں نہیں ہوں گی: وزیر تعلیم کی افواہوں کی تردید

پنجاب کے صوبائی وزیر تعلیم رانا سکندر حیات نے سموگ کے باعث صوبے بھر میں تعلیمی اداروں کی ممکنہ بندش اور چھٹیوں سے متعلق سوشل میڈیا پر گردش کرنے والی خبروں کی سختی سے تردید کر دی ہے۔ اپنے بیان میں انہوں نے واضح کیا کہ سموگ کے پیشِ نظر تعلیمی اداروں میں چھٹیاں دینے کی کوئی تجویز زیرِ غور نہیں اور نہ ہی حکومت ایسا کوئی فیصلہ کر رہی ہے، بلکہ تمام تعلیمی سرگرمیاں حسبِ معمول جاری رہیں گی، اس لیے والدین اور طلباء سوشل میڈیا پر پھیلنے والی افواہوں پر کان نہ دھریں۔ وزیر تعلیم نے طلباء کو ہدایت کی کہ وہ سموگ کے دوران اپنی صحت کا خصوصی خیال رکھیں، ماسک کا استعمال لازمی بنائیں اور آؤٹ ڈور سرگرمیوں کے دوران حکومت کی جانب سے جاری کردہ احتیاطی ہدایات اور ایس او پیز پر عمل درآمد یقینی بنائیں۔