پاسپورٹ میں ردوبدل کے ذریعے سفری ریکارڈ چھپانے کی کوشش ناکام

فیڈرل انویسٹی گیشن ایجنسی (ایف آئی اے) امیگریشن نے جناح انٹرنیشنل ایئرپورٹ کراچی پر کارروائی کرتے ہوئے پاسپورٹ کے صفحات اور ویزا مہروں میں ردوبدل کے ذریعے سابقہ آف لوڈنگ کا ریکارڈ چھپانے کی کوشش ناکام بنا دی ہے۔ ترجمان ایف آئی اے کے مطابق سانگھڑ کا رہائشی مسافر سیف اللہ استنبول کے راستے شمالی قبرص (TRNC) جا رہا تھا، جس کی امیگریشن کلیئرنس کے دوران انکشاف ہوا کہ مسافر مارچ 2026ء میں قبرص سے ڈیوٹی اور جون 2026ء میں لاہور ایئرپورٹ سے آف لوڈ ہو چکا ہے۔ مسافر نے پرانے پاسپورٹ سے ترک ویزا اور آف لوڈنگ کی مہریں ہٹوا کر نیا پاسپورٹ حاصل کیا تھا، جو ابتدائی معلومات کے مطابق قبرص میں مقیم حرمین نامی ایجنٹ کے ذریعے تیار کرایا گیا تھا۔ ایف آئی اے نے مسافر کو مزید قانونی کارروائی اور انسانی اسمگلنگ نیٹ ورک کی تحقیقات کے لیے اینٹی ہیومن ٹریفکنگ سرکل (AHTC) کراچی منتقل کر دیا ہے۔