بشریٰ بی بی کی 29 مقدمات میں عبوری ضمانتوں میں 26 نومبر تک توسیع

راولپنڈی کی انسدادِ دہشت گردی کی خصوصی عدالت نے بانی پی ٹی آئی عمران خان کی اہلیہ بشریٰ بی بی کے خلاف درج 29 مقدمات میں ان کی عبوری ضمانتوں میں 26 نومبر تک توسیع کر دی ہے۔ کیس کی سماعت انسدادِ دہشت گردی کی خصوصی عدالت کے جج امجد علی شاہ نے کی۔ سماعت کے دوران بشریٰ بی بی کے وکیل محمد فیصل ملک اپنی قانونی ٹیم کے ہمراہ جبکہ پراسیکیوشن ٹیم بھی کمرۂ عدالت میں موجود تھی۔ عدالت نے دونوں جانب سے حاضری کے بعد درخواستوں کی مزید سماعت کسی بھی پیشرفت کارروائی کے بغیر 26 نومبر تک ملتوی کر دی۔