ملک بھر کی بجلی تقسیم کار کمپنیوں میں سمارٹ میٹرز نصب کرنے کا فیصلہ

حکومت نے ملک بھر کی تمام بجلی کی تقسیم کار کمپنیوں (ڈسکوز) کے ٹرانسفارمرز پر کثیرالجہتی مالیاتی اداروں کے تعاون سے سمارٹ میٹرز نصب کرنے کا بڑا فیصلہ کیا ہے۔ وفاقی وزیر برائے اقتصادی امور و اسٹیبلشمنٹ ڈویژن احد چیمہ کی زیر صدارت منعقدہ اجلاس کے بعد جاری اعلامیے کے مطابق، اس منصوبے کی فنڈنگ کے لیے حکومت عالمی بینک (World Bank) اور ایشیائی ترقیاتی بینک (ADB) کے ساتھ اربوں ڈالر کے قرضوں کے حصول کے لیے باقاعدہ مذاکرات کرے گی۔ اجلاس میں تمام ڈسکوز کے جاری ترقیاتی پروگراموں کا جائزہ لیا گیا اور لائن لاسز پر قابو پانے کے لیے سمارٹ میٹرنگ سسٹم کی فوری تنصیب پر زور دیا گیا۔