عمران خان کا پمز ہسپتال میں طبی معائنہ، علاج کے بعد اڈیالہ جیل منتقل

پاکستان تحریک انصاف (پی ٹی آئی) کے بانی عمران خان کو رات گئے انتہائی سخت سیکیورٹی کی حصار میں اڈیالہ جیل سے پاکستان انسٹیٹیوٹ آف میڈیکل سائنسز (پمز) ہسپتال منتقل کر کے ان کا تفصیلی طبی معائنہ کروایا گیا ہے۔ باوثوق ذرائع کے مطابق پمز ہسپتال میں ماہر ڈسپلنز کے ڈاکٹروں پر مشتمل ٹیم نے بانی پی ٹی آئی کا طبی معائنہ کیا اور ضروری علاج کے بعد ادویات تجویز کیں، جس کے فوراً بعد انہیں دوبارہ سخت سیکیورٹی میں اڈیالہ جیل کے سیل میں منتقل کر دیا گیا۔ ذرائع کے مطابق اس سے قبل اتوار 8 نومبر کو بھی اڈیالہ جیل کے اندر ان کا معمول کا طبی معائنہ کیا گیا تھا۔