جے ڈی وینس نے آئندہ الیکشن کیلئے الگ سیاسی بیانیہ تشکیل دینے کی کوششیں تیز کر دیں

امریکی نائب صدر جے ڈی وینس (JD Vance) نے امریکی وسط مدتی (مڈ ٹرم) انتخابات میں ریپبلکن پارٹی کی شکست کے بعد 2028ء کے صدارتی انتخابات کی تیاریوں کے سلسے میں اپنا الگ سیاسی بیانیہ اور شناخت قائم کرنے کی کوششیں تیز کر دی ہیں۔

انتخابی مہم اور اس کے بعد کے بیانات میں جے ڈی وینس نے صدر ڈونلڈ ٹرمپ کی روایتی پالیسیوں کے مکمل دفاع کے بجائے معاشی قوم پرستی، محتاط خارجہ پالیسی، عوامی تحفظ اور مہنگائی جیسے عوامی مسائل کو اپنی اولین ترجیحات کا حصہ بنایا ہے۔ سوشل میڈیا پر جاری کردہ اپنے پیغام میں نائب صدر وینس نے ایران کے ساتھ جاری جنگ کو مڈ ٹرم انتخابات میں ریپبلکن پارٹی کی ناکامی کا اہم سبب قرار دیتے ہوئے جنگ کی فوری خاتمے، عوام کو مہنگائی سے نجات دلانے اور امریکی خارجہ پالیسی پر نظرثانی کا مطالبہ کیا ہے۔

جے ڈی وینس نے اسرائیل کے ساتھ تعلقات کے ازسرنو جائزہ لینے پر بھی زور دیا ہے۔ اگرچہ وائٹ ہاؤس ذرائع کا کہنا ہے کہ نائب صدر کا یہ انداز ڈونلڈ ٹرمپ سے بغاوت نہیں بلکہ پارٹی کے مستقبل کی حکمتِ عملی ہے، تاہم صدر ٹرمپ نے بھی ایران جنگ کے سبب پٹرول کی قیمتوں میں اضافے کو انتخابی نقصان کا سبب مانتے ہوئے اپنے فیصلے کا دفاع کیا ہے۔ جے ڈی وینس نے ابھی تک 2028ء کے صدارتی معرکے میں اترنے کا باقاعدہ اعلان نہیں کیا مگر وہ ریپبلکنز کے مضبوط ترین ممکنہ امیدوار کے طور پر سامنے آ رہے ہیں۔