ایران کے جزیرے قشم میں دو دھماکوں کی آوازیں سنی گئیں

ایران کے جنوبی ساحلی جزیرے قشم (Qeshm) میں شدید نوعیت کے دو دھماکوں کی آوازیں سنی گئی ہیں، تاہم ایرانی حکام یا سکیورٹی اداروں کی جانب سے واقعے کی اصل وجوہات کے بارے میں تاحال کوئی باضابطہ بیان جاری نہیں کیا گیا۔

ایران کی سرکاری خبر رساں ایجنسی ‘ارنا’ (IRNA) کی رپورٹ کے مطابق، دھماکوں کی زور دار آوازیں جزیرے کے مشرقی حصے کی جانب سنی گئیں۔ دھماکوں کے فوراً بعد مقامی سطح پر تشویش پھیل گئی لیکن اب تک کسی بھی قسم کے جانی یا مالی نقصان، یا دھماکوں کی نوعیت کے متعلق حتمی تفصیلا ت سامنے نہیں آ سکی ہیں۔

ایرانی حکام اور متعلقہ اداروں نے صورتحال کا جائزہ لینا شروع کر دیا ہے، جبکہ جزیرے اور اطراف کے علاقوں میں سکیورٹی مزید الرٹ کر دی گئی ہے۔ واقعے سے متعلق مزید سرکاری موقف اور تحقیقاتی تفصیلا ت کا انتظار کیا جا رہا ہے۔