نیتن یاہو وزارت عظمیٰ کی دوڑ سے باہر، گادی آئزن کوٹ کو حکومت سازی کی دعوت

اسرائیلی صدر اسحاق ہرزوگ نے بنجمن نیتن یاہو کے شدید سیاسی حریف اور سابق آرمی چیف گادی آئزن کوٹ (Gadi Eisenkot) کو باضابطہ طور پر ملک میں نئی حکومت تشکیل دینے کی دعوت دے دی ہے۔

بین الاقوامی خبر رساں ایجنسی کے مطابق، صدر ہرزوگ نے 66 سالہ سابق فوجی سربراہ کو حکومت سازی کے لیے 28 دنوں کی مہلت دی ہے، جس میں ضرورت پڑنے پر مزید 14 دن کی قانونی توسیع ممکن ہے۔ 120 نشستوں پر مشتمل اسرائیلی پارلیمنٹ (کنیسٹ) میں حکومت قائم کرنے کے لیے کم از کم 61 اراکین کی اکثریت درکار ہے۔ گادی آئزن کوٹ کے پاس عرب جماعتوں کی بیرونی حمایت سے اقلیتی حکومت کی تشکیل، مذہبی فریقین کے ساتھ اتحاد یا قومی حکومت قائم کرنے جیسے اختیارات موجود ہیں۔

گادی آئزن کوٹ ماضی میں نیتن یاہو کی فوجی پالیسیوں، غزہ میں جنگی حکمتِ عملی اور فلسطینیوں پر اسرائیلی آبادکاروں کے تشدد کے کھلے ناقد رہے ہیں۔ اگر وہ کامیاب اتحاد بنانے میں کامران ہو جاتے ہیں تو وہ مشرقِ وسطیٰ اور شمالی افریقہ سے تعلق رکھنے والے پہلے اسرائیلی یہودی وزیراعظم بن جائیں گے، جبکہ ناکامی کی صورت میں اسرائیل میں ایک بار پھر نئے عام انتخابات کرانے کی نوبت اآ سکتی ہے۔