امریکی کانگریس کی مسلمان رکن الہان عمر اور راشدہ طلیب دوبارہ منتخب

امریکی انتخابات میں معروف مسلمان خواتین رہنماؤں نے شاندار کامیابی حاصل کرتے ہوئے اپنی نشستیں برقرار رکھی ہیں، جہاں الہان عمر اور راشدہ طلیب ایوانِ نمائندگان کی رکن منتخب ہو گئی ہیں۔

ریاست منی سوٹا سے ڈیموکریٹ امیدوار الہان عمر نے ایک بار پھر کامیابی حاصل کر کے ایوانِ نمائندگان میں اپنی نشست محفوظ کی، جبکہ پہلی فلسطینی نژاد امریکی کانگریس ویمن راشدہ طلیب ریاست مشی گن سے پانچویں مرتبہ رکن ایوانِ نمائندگان منتخب ہوئی ہیں۔ اس کے علاوہ ریاست نیو جرسی سے مسلم امیدوار آدم حماوی نے بھی کامیابی حاصل کر کے ایوانِ نمائندگان میں جگہ بنائی ہے۔

دوسری جانب ریاست کنساس میں 94 سال بعد بڑی سیاسی تبدیلی دیکھنے میں آئی جہاں ڈیموکریٹ امیدوار ایڈم ہملٹن نے سینیٹر منتخب ہو کر نئی تاریخ رقم کر دی۔ اسی طرح ریاست میں 30 سال تک سینیٹر رہنے والی ریپبلکن رہنما سوزن کولنز کو ڈیموکریٹ امیدوار ٹرائے جیکسن کے ہاتھوں شکست کا سامنا کرنا پڑا، جس کے ساتھ ہی 1996ء سے جاری ان کے طویل پارلیمانی کیریئر کا خاتمہ ہو گیا۔