LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

امریکی مڈٹرم الیکشن: مختلف ریاستوں میں پولنگ مرحلہ وار ختم ہوگی

Web Desk

4 November 2026

امریکا میں ہونے والے وسط مدتی انتخابات کے لیے مختلف ریاستوں میں پولنگ کا عمل مرحلہ وار اور مقامی ٹائم زونز کے مطابق مکمل ہو گا، جبکہ پاکستانی وقت کے مطابق پولنگ اسٹیشنز کے بند ہونے کا سلسہ صبح سے شروع ہو کر دوپہر تک جاری رہے گا۔

پاکستانی وقت کے مطابق سب سے پہلے صبح 4 بجے انڈیانا اور کینٹکی کی بعض کاؤنٹیز میں پولنگ اسٹیشنز بند کر دیے جائیں گے، جس کے بعد انتخابی نتائج کے ابتدائی رحجانات کا سلسلہ شروع ہو جائے گا۔ صبح 5 بجے فلوریڈا، جارجیا، نیو ہیمپشائر، جنوبی کیرولائنا، ورمونٹ اور ورجینیا میں ووٹنگ کا مقررہ وقت ختم ہو جائے گا، جبکہ صبح ساڑھے 5 بجے شمالی کیرولائنا، اوہائیو اور ویسٹ ورجینیا میں پولنگ باضابطہ طور پر بند ہو جائے گی۔

اسی طرح پاکستانی وقت کے مطابق صبح 6 بجے واشنگٹن ڈی سی اور پنسلوانیا، ساڑھے 6 بجے آرکنساس جبکہ صبح 7 بجے ایریزونا، کولوراڈو اور آئیووا سمیت متعدد وسطی ریاستوں میں ووٹنگ کا عمل مکمل ہو جائے گا۔ اگلے مرحلے میں صبح 8 بجے آئیڈاہو، مونٹانا، نیواڈا، اوریگن اور یوٹاہ میں پولنگ اسٹیشنز بند ہوں گے۔ صبح 9 بجے مغربی ساحلی ریاستوں کیلیفورنیا اور واشنگٹن میں پولنگ ختم ہو گی، جبکہ ہوائی میں صبح 10 بجے ووٹنگ کا اختتام ہو گا۔ امریکی ریاستوں میں سب سے آخر میں الاسکا کے پولنگ اسٹیشنز پاکستانی وقت کے مطابق صبح 11 بجے بند ہوں گے، جس کے بعد پورے امریکا کے باضابطہ اور حتمی نتائج کی تصویر مکمل ہو کر سامنے آئے گی۔