بانی پی ٹی آئی اور بشریٰ بی بی کی کانفرنس روم میں ملاقات کرا دی گئی

بانی پاکستان تحریک انصاف (پی ٹی آئی) عمران خان اور ان کی اہلیہ بشریٰ بی بی کے درمیان اڈیالہ جیل کے کانفرنس روم میں ایک طویل عرصے بعد باضابطہ ملاقات کروا دی گئی۔

جیل کے باوثوق ذرائع کے مطابق، قانونی و انتظامی کارروائی کی مکمل پاسداری کے بعد کروائی گئی اس ملاقات کے دوران دونوں شخصیات نے ایک دوسرے کی خیریت دریافت کی اور اہم خاندانی و قانون سے متعلق معاملات پر تفصیلی تبادلہ خیال کیا۔ ذرائع نے بتایا کہ یہ ملاقات حدود جیل میں قائم کانفرنس روم کے اندر ایک گھنٹہ اور 10 منٹ تک جاری رہی۔

ذرائع کا مزید کہنا ہے کہ مقررہ وقت کا دورانیہ مکمل ہونے کے فوری بعد دونوں کو سخت سیکیورٹی کے حصار میں دوبارہ ان کے متعلقہ سیلز (کمروں) میں محفوظ طریقے سے منتقل کر دیا گیا۔