بانی سے ملاقات نظام کی ضرورت تھی، اصولوں پر بات چیت کے لیے تیار ہیں: سلمان اکرم راجہ کی میڈیا سے گفتگو

پاکستان تحریک انصاف کے سیکرٹری جنرل سلمان اکرم راجہ نے راولپنڈی میں میڈیا سے گفتگو کرتے ہوئے کہا ہے کہ بانی پی ٹی آئی سے بیرسٹر سلمان صفدر کی قانونی ملاقات نظام کی اپنی ضرورت تھی، یہ کوئی احسان یا بریک تھرو نہیں ہے۔ انہوں نے بتایا کہ جیل میں بانی پی ٹی آئی کے حوصلے بلند ہیں اور وہ اپنے موقف پر مکمل طور پر ڈٹے ہوئے ہیں۔ سلمان اکرم راجہ نے واضح کیا کہ حقیقی سیاسی پیشرفت صرف سیاسی ملاقاتوں اور آئینی اصولوں پر ہی ممکن ہے۔ ان کا مزید کہنا تھا کہ حکومت کے ساتھ مذاکرات ماضی میں ایک ڈھکوسلہ ثابت ہوئے کیونکہ حکومت بلا جواز ملٹری آپریشنز اور ڈرون حملوں پر بلینک چیک چاہتی تھی، تاہم پی ٹی آئی اصولوں کی بنیاد پر اب بھی ہر وقت بات چیت کے لیے تیار ہے۔