مریم نواز کا اٹک میں 23 ارب روپے کے 127 ترقیاتی منصوبوں کا افتتاح

وزیراعلیٰ پنجاب مریم نواز شریف نے ضلع اٹک میں 23 ارب روپے کی لاگت سے تیار ہونے والے 127 ترقیاتی منصوبوں کا افتتاح کر دیا ہے، جن میں فتح جنگ پنڈی گھیب روڈ اور مٹھیال چوک تا ڈھوک پٹھان روڈ سمیت 59 سڑکوں کی تعمیر و بحالی کے منصوبے شامل ہیں۔ اٹک آمد کے موقع پر شہریوں نے ان کا پرتپاک استقبال کیا جہاں وزیراعلیٰ نے سیکیورٹی ہٹا کر شہریوں کو پاس بلایا اور مقامی بچوں کے ہاتھوں منصوبوں کا افتتاح کروایا۔ کامسیٹس یونیورسٹی کے طلباء اور شہریوں سے خطاب کرتے ہوئے انہوں نے کہا کہ عوام کی خدمت سے ملنے والا سکون بے مثال ہے اور اٹک کے درپیش بنیادی مسائل کے حل کے لیے اربوں روپے فراہم کیے جا رہے ہیں، جبکہ انہوں نے اپنے دورِ حکومت میں مکمل شفافیت اور بلا تفریق ترقی کا اعادہ بھی کیا۔