یو اے ای لاٹری: شرکا 3 کروڑ درہم کا انعام جیتنے میں ناکام، اگلی قرعہ اندازی 4 نومبر کو ہوگی

متحدہ عرب امارات میں ہونے والی تازہ ترین لاٹری قرعہ اندازی میں تین خوش نصیب افراد نے ایک، ایک لاکھ درہم کا نقد انعام جیت لیا ہے، تاہم کوئی بھی شریک 3 کروڑ درہم کا بڑا جیک پاٹ انعام اپنے نام کرنے میں کامیاب نہیں ہو سکا۔

ہفتے کے روز منعقد ہونے والی ’لکی ڈے ڈرا نمبر 261031‘ میں ڈیز سیکشن کے کامیاب اور جیتنے والے نمبرز 7، 3، 20، 12، 26 اور 22 جبکہ منتھس سیکشن کا کامیاب نمبر 6 رہا۔ اس کے علاوہ لکی چانس آئی ڈی کیٹیگری میں بھی تین خوش نصیب شرکاء نے فی کس 50، 50 ہزار درہم کے انعامات جیتے۔ ان کامیاب آئی ڈیز میں اے ٹی 1871843 (AT1871843)، ڈی ای 8147800 (DE8147800) اور ڈی ایس 9586270 (DS9586270) شامل ہیں۔

قرعہ اندازی کے دوران کوئی بھی شریک تمام مطلوبہ نمبرز درست طریقے سے ملانے میں کامیاب نہیں ہو سکا، جس کے باعث 3 کروڑ درہم کا پہلا اور 50 لاکھ درہم کا دوسرا بڑا انعام اگلی قرعہ اندازی کے لیے منتقل کر دیا گیا ہے۔ دوسری جانب لکی ڈے کیٹیگری میں 3 افراد نے پانچ ڈیز نمبرز اور منتھس سیکشن کا درست نمبر ملا کر ایک، ایک لاکھ درہم کا تیسرا انعام حاصل کیا۔ لاٹری انتظامیہ کے مطابق اس سلسلے کی اگلی قرعہ اندازی اب آنے والے بدھ یعنی 4 نومبر کو منعقد کی جائے گی، جس میں شرکاء کو ایک بار پھر 3 کروڑ درہم کا عظیم الشان جیک پاٹ جیتنے کا سنہری موقع ملے گا۔